Ua faailoa le lē fiaifa o se minisita o le Feterale i le kamupani a le OPTUS ona o le lē vave faailoa sa’o i ana paaga ma le malo o le faaletonu sa tulai mai, le cyber attack.

O Tanya Plibersek ua ia faailoa i le 7news o le faaletonu moni lava i le mataupu lenei o fesootaiga a le Optus. Na ia faamatala ai o lona manatu e lei lelei le faafoeina e le kamupani o le mataupu lenei i le va ma ana paaga ma le malo foi.

O le Services Australia sa tusi atu i le OPTUS e faailoa ane faamatalaga uma e tusa o le faaletonu aemaise ana paaga na aafia a latou medicare cards ma faamaumauga tau centrelink i le faaletonu na tulai mai. 

Fai mai le lipoti e oo mai i le taimi nei o loo faatalia pea se tali ane a le OPTUS i lea tusi aemaise foi nisi o faaseā a le atunuu e tusa o le gaoia o faamaumauga i luga o upega tafailagi.