Fai mai le Medibank e leai se totogi poo se taui o le a faia ia i latou sa faatinoina le osofaiga i le upega tafailagi.
Fai mai le 9news e manatu le kamupani a le Medibank o i latou na faatinoina lenei solitulafono ua o latou mauaina faamaumauga o igoa, aso fanau, telefoni ma tuatusi o le tusa ma le 9.7 miliona o tagata sa avea ma o loo avea pea ma paaga a le kamupani.
Ua mae’a faailoa foi e le Medibank ua mafai foi ona maua e le au solitulafono lea faamaumauga o le tusa ma le 160 afe o paaga a le Medibank e le gata i totonu o Ausetalia ae faapea foi i paaga i luga o upega tafailagi.
Ua uunaia uma paaga ia a le kamupani ina ia fesootai ane i le telefoni a lea auaunaga mo se fesoasoani ma talanoa ia i latou o iai le tomai faapitoa i auaunaga faapea.
