O lea ua folafola mai e le Atu Kuki le faia o ni a latou siaki i tuaoi faavaomalo o le atunuu e tali atu ai i le faatupula’ia o tagata ua aafia i le tale vivini i le atunuu.
Ua faia lea tulaga i le faamaonia ai o le pepesi o lenei faama’i i Samoa ma Niu Sila.
Na saunoa le failautusi o le soifua mālōlōina, Bob Williams o faigamalaga mai Aukilani i Rarotonga o loo matua’i tutumu ma e tāua tele le faia uma o siaki a o le’i aga’i atu i nofoaga faitele.
Ua faapea foi ona folafola ane siaki e faia i tuaoi faavaomalo o Amerika Samoa ma fautuaina tagata ia mataala i āuga o lea faama’i.
I Niu Sila lava ia ua lipotia e oo mai i le faai’uga o Novema na se’i mavae atu nei ua silia i le afe tagata ua aafia i Aotearoa.
Puna o Faamatalaga: https://www.rnz.co.nz/international/pacific-news/535845/border-checks-announced-after-whooping-cough-outbreaks
