E na o ni nai faamatalaga laiti ua faailoa e le Palemia o le Atu Kuki Mark Brown e uiga i le maliega ua o la sainia ma Saina ae fai mai e le’i tele nisi poloketi ua autasi iai.
O le vaiaso nei ua lomia ai e le malo e tauala ane i le matagaluega o le va i fafo ma femalagaa’iga, le Action Plan 2025-2030 i le va o le Atu Kuki ma Saina.
Ua upuia lea maliega ona o le lē lava o faamaumauga ma faamatalaga e faamatalaina ai le faiga faapaaga i le va o atunuu e lua.
I se feiloa’iga ma tusitala i le aso ananafi na faailoa ai e le Palemia o lea maliega ua tatala ai faitoto’a mo nisi avanoa mo le Atu Kuki ae tasi le itu e fia faailoa manino e lē o iai ni poloketi poo ni faiga mautū ua faatulaga pe sainia foi.
O lea maliega e pei ona ia ta’ua ua tatala ai le faitotoa mo isi foi matagaluega ma auaunaga e faatulaga ai ni poloketi talafeagai e ono galulue faatasi ai.
Fai mai Brown o le maliega ua sainia a le Atu Kuki ma Niu Sila faapea Ausetalia ma Saina e taula’i uma i vaega tāua.
Puna o Faamatalaga: https://www.rnz.co.nz/international/pacific-news/542576/very-little-detail-pm-brown-explains-vague-china-agreement
