O loo su’e nei e leoleo le avetaavale o se taavale na tofu i totonu o le fale o se aiga i Melepone ma afua ai se afi na sasao ane.
Fai mai o se tamā ma si ona afafine 5 tausaga sa iai i totonu o le fale i le taimi lea ma e manu’a mitimiti.
O le faaitu o Greenvale e iai le fale ae lipotia e leoleo o le taavale na agai sa’o i le faletaavale a si aiga lea poo le lata i le 4 i le vaveao ma sola ese ai le avetaavale.
Na vave gaioiga a le tineimu i le tapēina o le afi ma aveesea ai foi tagata mai fale e lalata ane ona o le malosi o le afi.
Fai mai le tineimu ua matuā faaleagaina uma le fale o si aiga.
O loo faaauau le sailiga o le avetaavale ma suesuega.
Puna o Faamatalaga: https://www.9news.com.au/national/car-crashes-into-melbourne-house-causes-fire/1179c0a8-84c7-426b-8d6c-bd72bfa444fe
