E 20 tausaga o se alii talavou mai Vaovai Falealili o loo taofia i le maota gasegase i Motootua ina ua aafia i se tao.

Faaalia e Papalii Monalisa Tia’i Keti, o taaloga a nisi o tei laiti a lea alii na fai i le tao, peitai na mamulu le tao ma aafia ai le fofoga o lea talavou. 

Ua faailoa e fai si tugā o manu’aga o lea alii talavou, ae na ta’ua foi e le tamaitai Sui Komesina o le fesiligia e le autusitala o lea mataupu na faatoa iloa ai e leoleo, peitai e lei logoina ia latou e tusa ai o le faalavelave.

Ua tuuina mai fautuaga a le Matagaluega o leoleo i aiga aemaise o mātua, ona o le tulai mai o nisi o faalavelave ua aafia ai soifua o fanau ma talavou.

O loo taofia lea alii i le falemai i Motootua, ae o loo faagasolo pea suesuega a le matagaluega i lea mataupu.