O le tusifolau fou mo tui puipui poo le vaccine passport lea o loo galulue ai nei ofisa o le soifua maloloina ua faailoa I se lipoti mai le herald I le aso, o le a faaaoga ai se app e mafai ai ona download e tagata faamaumauga o tui puipui ma pe a ma le silia laitiiti ma le masina ona avanoa lea o lea tusifolau fou.
O le amataga o Novema o loo fetauaina ma saunoa foi iai le sui palemia Grant Robertson I lea lava lipoti. O le a feagai lea faiga fou ma le Matagaluega o le soifua maloloina galulue faatasi ai ma private providers e faaleleia atili lea tulaga.
E le taumate o le a aoga tele lea tusifolau I le faamaoniga o tagata ua faia tui puipui i faamoemoega tetele e fia auai ai aemaise o le toe foi o le atunuu I tulaga e pei ona masani ai ae le’I oo mai le faama’i.
Fai mai Robertson o loo mananao e unai ia maua le 90 pasene o tagata e fai tui puipui ona tatala lea o le tele o nisi o aiaiga o loo iai o le vavao. Tasi le itu ua manino mai I lea lipoti o le a le faamalosia e le malo le faia o tui puipui. O le faaiuga faitoatasi lava lea a le tagata lava ia.
