Ua vave mai le ono faate’a o le amapasa a Lusia o loo iai I Niu Sila nei.

Ao toe sau ai tala o loo manao lava le peresetene o Lusia, Vladimir Putin e tau, ua sui ai nei le mafaufau o le malo ma o lea ua agai ai e toe talanoa le ono vave faataunuu.

Saunoa le minisita o le va I fafo a le atunuu, Nanaia Mahuta, o le mataupu lenei na amata mai ina ua amata siitau Lusia ia Ukraine, peitai o lea lava na faatalanoa ma le faamoemoega atonu e ono toe fai ifo I lalo ma vave ona maua se filemu.

Peitai, o saunoaga a Putin ua toe sau nei ua iloa ai e le o fia faavaivai ua mafua ai ona toe agai le malo e talanoa poo le a le tonu mo le amapasa a Lusia aemaise o faaiuga a Putin ua toe faasalalau mai o loo ia soli ai maliega faavaomalo.

I le taimi nei o lea o loo faatasi atu le palemia o Niu Sila, Jacinda Ardern I le fonotaga a malo aufaatasi, ma o le isi lea itu o loo faatali iai le faaiuga a Niu Sila ona e mautinoa o loo talanoaina ai I lea fonotaga le isi sitepu ua tatau ona faia