E lata i le 30 fale a le Kainga Ora State houses o le a tuuina i lalo ona o aafiaga mai lologa i le masina o Ianuari. Fai mai se lipoti ua lomia i le Newstalk ZB i le asō, pe ā ma le 8 fale i Clover Drive i Henderson ma le 19 o fale i Pito Place i Magele ua faailoga o le a faalegaina pe tuuina foi i lalo pei ona faailoa e le totino lea a le malo.
Ua faia lea faaiuga i le mae’a o suesuega sa faatino ma iloa ai foi e le aoga iai ni galuega lipea ma ua mae’a foi ona faatalanoa ma tagata sa aumau ai i ia nofoaga ma ua iai foi vaega ua faatulaga e aumau tumau ai i le taimi nei.
Ua ta’ua foi o fanua o le a avanoa pe a tuuina i lalo nei fale o le a faamamaina foi ma faatalia se fuafuaga o le a faatino ai i se silasila mamao a le malo mo le atinaeina o nofoaga e fesoasoani ai i tagata.
