A o tau tulai mai ai Aukilani faapea nisi o vaega o le North Island ona o lologa sa iai, ae o lea ua toe sau le isi lapataiga mai le ofisa o le vaaitau o loo iai le isi afā e ono agai mai i le Pasefika.
O nai aso o i luma o loo tālia ai ma e foliga mai e iai nisi o vaega o le atunuu na tigaina muamua o lea foi o le a toe aafia.
E sau lea lapataiga ua aveesea uma lapataiga o uiga louloua o le tau, ma faatoa toe saoloto ai lea o le atunuu mo le silia ma le tasi le vaiaso.
O le afā o loo ta’uta’u nei e ono fanau mai i le va o New Caledonia ma Ausetalia i totonu o nai aso o lenei vaiaso.
O ni lapataiga e ono tele nisi suiga mai le asō e fua i le alamatagi, peitai a fua i lipoti ma le taamiloga o loo iai nei o le pito i luga o le North Island lea e foliga mai e toe ono aafia ai.
O le faaiuga o le vaiaso e faasolo atu i le Aso Gafua o le vaiaso fou lea o loo sau i lapataiga e ono oo mai ai.
