Ua maua I suesuega faia I meaai tu’u pepa a pepe, e le gata e suamalie tele ae maualalo I le iron maua ai

O suesuega nei na faia e le Iunivesite o Otago faaaoga ai meaai pepe e 266 o loo faatauina I supamaketi mai le 2019 I le 2020

O ni suesuega ua lapatai ai ma matua I le tatau ona silasila iai I le aafiaga o fanau

O le maualalo tele o le iron o loo sau ma nei meaai pepe ua faatusa ai e tatau ona fafagaina le silia ma le 14 pepa o meaai pepe I le aso ina ia ausia ai le iron moomia e le tino, ma e tusa lea ma le 2 kilokalama o meaai tuu pepa

Ua faamanatu ai Ioanna Katiforis o le na faaulu ai nei suesuega I le taua o le paleni o meaai mo fanau laiti mai le 6 masina

E ui la e suamalie atu nei meaai tuu pepa faapea le maualalo o le iron, peitai o le itu lelei e ono leai se suka faaopoopo o ave iai I le taimi e gaosia ai