Ua iai lapata’iga mo tagata i Sini aemaise i latou e fiafia e aga’i i matāfaga ina ia faaeteete ona o aafiaga o uiga loulouā o le tau o loo iai i le taimi nei i le mamafa o timuga i nisi o vaega aemaise lōlōga.
I totonu o le 24 itula talu ai e tele valaau mo se fesoasoani na faamauina e le auaunaga o fesoasoani faavavave ina ua lolovaia fale o aiga, kapaka i taulaga faatau ma alatetele.
Vaaia ata o taavale ua lolovaia i taulaga faatau aemaise nisi o auala ua faaleagaina.
Faailoa mai ai ma le lapata’iga ma i le NSW Shark Smart e tatau ona mataala tagata aemaise i latou e aga’i i le sami ma vaitafe ona ua telē foi le avanoa e aga’i ane ai malie i nofoaga mo ta’elega ona o le mamafa o timuga.
Ua iai nisi faamoemoe sa fuafua e faia i le aai i Sini ua faalēaogāina ona o le loulouā o le tau.
Puna o Faamatalaga: https://www.9news.com.au/national/sydney-rain-downpour-weather-warnings-adelaide-australia/92b97ab6-8dc6-48b6-b8a2-8f78fab86afa
