Ua lipotia le tele o popolega a leoleo i le faatinoina e le Malo o nisi o tulafono fou faatatau i kegi i le tausaga nei, e aofia ai ma le popolega i le saogalemu ma le ono lusi o le faatuatuaga o tagata lautele, o faamatalaga ia ua faailoa i se feutanaiga faaminisita. O le newstalk ua ia faailoa o le “The Gangs Bill” lea ua fuafua e pāsia lona faitauga faatolu i le palemene i le vaiaso fou, e tuuina ai i leoleo nisi malosi’aga fou i le feagai ai ma kegi, e aofia ai ma le malosi’aga e mafai ai ona o latou su’eina , faata’ape’ape ni potopotoga a ni kegi, aemaise le avanoa e mafai ai ona o latou faasā ni faailo o kegi i nofoaga lautele.
Ua fuafua e tatau ona amata faamamalu ia faiga ia Novema ae sa fautuaina e leoleo le minisita o Mark Mitchell e iai nisi vaega taua e ono oo atu i lea taimi e lei maea ona faatinoina pe afai ae amata faamamalu ia tulafono fou i le tausaga nei.
E ui i lea ua lipotia le tumau pea o le finagalo o le minisita e oo atu i lea taimi ua matua’i lava toleniga a leoleo ma ua iai foi se system ua saunia mo le faaaogaina ia Novema.
Puna o Faamatalaga: https://www.newstalkzb.co.nz/news/politics/police-warned-minister-implementing-new-gang-laws-this-year-could-cause-safety-risks-loss-of-trust-and-confidence/
