Ua tuuina mai nei se lapata’iga mai le vaega o le Soifua Mālōlōina e faatatau i le faaaogāina o le vai lea e faaigoa o le Phenergan e masani ona faaaogā mo le togafitia o le hay fever ma le mageso aemaise tagata matutua e faigata ona moe ae e aogā foi mo tamaiti e ta’i 6 tausaga ma sili atu le matutua.
Ua iai faamaoniga faasaienisi ua maua talu ai nei ua maitauina ai lamatiaga mai le vai lea pe a faaaogā i tamaiti laiti ma ua afua ai le lapata’iga ma le faai’uga ua tuu mai i lona faaaogāina i tamaiti.
Ua faailoa mai e le TGA poo le Therapeutic Goods Administration i le lipoti a le 9News ua maua i su’esu’ega o loo lava faamaoniga e lagolago ai e iai se sootaga i le promethazine o se tasi o vailaau o loo aofia ai i le vai lea o le Phenergan ma popolega mo le saogalemu i tulaga tau le mafaufau ma le system o le tagata ma o tamaiti i lalo o le ta’i 6 tausaga e ono aofia i ni aafiaga e pei o le faigata ona nofo filemu, finau malosi le ita, pe vaaia foi ma faalogoina ni mea e lē o ni mea moni.
O le gaioiga la ua feagai nei a fale talavai o le toe suia o labels o oloa ia o loo maua ia latou auaunaga ae ua fautuaina mātua ia sa’ili se fautuaga mo isi oloa tali tutusa mo tamaiti i lalo o le 6 tausaga ae taofia le faaaogāina o le Phenergan.
Puna o Faamatalaga: https://www.9news.com.au/national/phenergan-health-authorities-warn-against-use-of-promethazine-hydrochloride-in-children-under-six/51c3e131-1672-4edd-8342-e2d0c0151fba
