Ua faailoa mai e le Scamwatch le tusi taufaasese fou lea ua agai ane e faasese ai tagata Ausetalia i le vaitau lenei. Fai mai le lipoti ua agai nei le au taufaavalea e le gata i le faaaogaina o texts ae faapea foi i imeli ma tusi ia ua amata talafo i tagata.
Fai mai la le Scamwatch o le tusi ua sau i le taimi nei e faapea e aumai mai le Telstra e aofia mai ai ma le talosaga i tagata ia fautuaina a latou uo ma aiga e faapea ua o latou asia le network o loo faaaogaina ma iloa ai o loo iai ni hackers o loo iai ma e tatau ona faia se operation e aveesea ai i latou ia.
O loo ta’ua foi i le tusi ua mae’a ona tuuina se tupe ia latou tusitupe ma e tatau ona o latou tuuina ane lea tupe i se sui o le Telstra o le a agai ane.
Fai mai e faaiu le tusi lea i le faamatalaga e aua le faailoaina le tusi i se isi tagata ona o se gaioiga lea e fai faalilolilo e pue ai le au hackers.
Ua lapatai manino mai le Scamwatch faapea foi ma leoleo ina ia nofosilafia o se faiga taufaasese lea faiga ma ia aua ne’i faaseseina ai.
Ua silia ma le 474 miliona le tupe ua lusi a tagata Ausetalia i faiga taufaasese ia talu mai lava le tausaga na tea nei.
