Ua lapatai fomai faapitoa o le fatu i tagata Niu Sila e tusa ai ma le togafitiga ma le taofia o le aafia i gasegase o le fatu faapea ma le stroke.
O loo saunoa le faatonu o le Heart Foundation o Professor Gerry Devlin o le gasegase o le fatu ua maliliu ai le tusa ma le 10 afe o tagata Niu Sila i le tausaga.
O le latou valaau ua agai sa’o i le faigamalo o le a sosoo mai ina ia faatino nisi o fuafuaga fia faatino mo le fatu ma le polokalame ua faataatia.
Afai e lē faatinoina lea fuafuaga o le a telē se tau e totogi e le toatele o tagata.
O faamoemoega o le Heart Health Action Plan e faaitiitia ai le aafia i gasegase o le fatu, vave ona iloa o loo iai se aafiaga i le fatu, maua o faamatalaga talafeagai i faamaumauga faamonia ma ia faaaogā se system fou tau le soifua maloloina e moni ma faamaoni.
