Ua lapatai ane le Public Service Association poo le Asosi o Auaunaga Lautele o le aveesea o avanoa faigaluega mai le matagaluega o tagata Pasefika o le a iai ona aafiaga i le soifua maloloina ma le manuia o aiga Pasefika.
Ua faamaonia mai i le asō e le Matagaluega e 57 avanoa faigaluega o le a aveesea ona o fuafuaga lava mo le faaitiitia o tupe alu e pei ona iai le fuafuaga a le Malo.
Fai mai le RNZ e silia ma le ‘afa o avanoa faigaluega o le a aveesea ua lē o toe faigaluega ai nisi i le taimi nei ma o le to’a 21 foi o tagata o loo faigaluega i le taimi nei e oo atu i le aso 30 o Iuni ua lē toe iai ni galuega.
Fai mai le failautusi aoao o le PSA Duane Leo o le aveesea o nei avanoa faigaluega ua faaitiitia ai ma i latou e faatinoina le auaunaga i le tusa ma le 400 afe o tagata Pasefika i Niu Sila.
O se sooupu mai le matagaluega ua ia ta’ua i le tusitusiga lea e ui o le a faaitiitia mai le aofaiga o le aufaigaluega ae o loo tumau pea le faamoemoe o le matagaluega i le faailoa o siufofoga o le komiuniti a le Pasefika i totonu o le Palemene ma faatumauina polokalame i le komiuniti.
Puna o Faamatalaga: https://www.rnz.co.nz/news/political/516470/ministry-cuts-will-harm-pacific-health-wellbeing-union
