Ua faailoa mai ua laiti nai nofoa o loo totoe mo le taaloga o le sailiga o le siamupini i le Ipu o le lalolagi a le itupa o tamaitai lea o le a fetaui ai Niu Sila Black Ferns ma le ‘au a Egelani.
Ua ta’ua i lipoti o le taeao ananafi e le taumate o le a toatele le aumaimoa i lenei taaloga ma e silia ma le 40 afe o loo faatalitalia.
O le a iai faafiafiaga i lea aso ma le taaloga e sailia ai le pine apa memea o le taamilosaga.
Ina ua talimalo Eden Park i le Ipu o le lalolagi i le 2011 na fetaui ai le All Blacks ma Farani na oo i le silia ma le 61 afe tagata maimoa na iai i le malae.
O le Finals la o le Ipu o le lalolagi mo tamaitai e faia i Eden Park i le Aso Toonai nei i le ‘afa o le fitu i le afiafi (7.30pm) i le taimi a Niu Sila.
