Lagona e le NZTA le valaau e faia ia le SkyPath

Ua lagona e le pulega o taavale afi talosaga e faaavanoa ia se vaega o le auala laupapa I Aukilani, le Harbour Bridge e feoai ai I latou e faaaogaina uila vilivae ma le au savavali

O le Aso Sa faatoa uma atu faitau selau I latou na kolosia faamalosi se tasi o lane I luga o le auala laupapa ma tapunia ai mo sina taimi ona o le le fiafia I le faatuai ona tali o le talosaga

O le talosaga na sau I lenei savali o loo faatalosagaina ai le malo e tatau ona oo atu I le tau mafanafana o le tausaga lenei ua faaaoga le SkyPath

Saunoa ai se tasi o councillor a Aukilani Chris Darby na iai I le savali I le Aso Sa, o le le fiafia o le toatele agai I le malo o se feau taua lea ona ua leva ona tatali se faaiuga I le SkyPath

Ae I se tali mai a Brett Gliddon o le pulega o taavale afi, o lea ua lagona le valaau, ma ua leva foi ona lagona, peitai e le faigofie

Faamaonia ai e Brett o lea ua I luma o le malo le mataupu, ma e tele isi itu e tatau ona faamalieina, e pei o le moomia o nisi pa faaopooopo mo le saogalemu o tagata savavali ma I latou e faaaogaina uila, peitai o le faia o nei pa puipui o le a vaaapiapi ai le avanoa mai le lua auala savali poo lanes I le na o le tasi

Ese mai I lea e fua foi poo le a le tele o le aafiaga o lea auala I taavale afi, pe a toe mafaufau I le poloka o femalagaiga agai atu I matu ma le foi mai I Aukilani na iai I lena tausaga ina ua tapunia lanes e lua I le taimi na toe faaleleia ai lagolago o pou na faaleagaina

Ao lagona ai la le valaau e faia ia le auala SkyPath, e le o iloa poo afea e taunuu ai, ae pe fetaui foi ma le tau mafanafana ua faatalosagaina

LAUILOA

Keep uptodate with Radio Samoa activity & promotion

* indicates required