Ua mae’a ona suesue e le faamasinoga o talosaga toe iloilo poo le faamasinoga apili a le Faamasinoga o Fanua ma Suafa, talosaga na toe apili ai le faaiuga a le faamasinoga maualalo na tofia ai le Aloalii le afioga Faamausili Moli e nofo i le suafa Tupu o le Malietoa.
E lima talosaga na toe tatalo e toe suesue lea faaiuga na fofogaina ia Tesema o le tausaga e 2017, peitai o le Aso Gafua na tagofia ai e le faamasinoga o talosaga le mataupu na faaui ai i tua le itu talosaga a suli o Malietoa Gatuitasina ae ave le lagolago i le faaiuga na tofia ai le nofo o loo iai nei.
O le aso 8 o le masina fou o Setema o le a aumai ai se faaiuga a le faamasinoga o talosaga apili a le faamasinoga o fanua ma suafa lea o le a iloa ai le faaauau o le nofo e tusa o le faaiuga ua lima nei tausaga talu ona fofogaina, poo le faaleaoga ma soloia lea faaiuga.
