Ua fuafua se tasi o pulega o se aai i Melepone, City Council e faatuina se faaputugatupe mo fesoasoani faavavave mo tagata o lea aai ua le mafai ona totogi a latou rent i le taimi nei ona o luitau o feagai ma tagata i le tau o le soifuaga, ma e manatu le Council o se lafoga e faia i luga o pisinisi Airbnbs e mafai ona faatupe ane ai lea faaputugatupe.

Fai mai le lipoti a le Alaata9 a Ausetalia o le Yarra Council, i Melepone ua fuafua e faia sea faaputugatupe e avanoa ane ai le 100 afe mai i le aso muamua o Iulai mo tagata mautotogi e umia concession cards e aofia ai ma tamaiti aoga.

O le lipoti a le The Age o loo ta’ua ai foi lea fuafuaga ma o le a faatalanoa i luma o le pulega poo le Council ma e aofia ai le Ogatotonu, le itu i Saute ma Matu o Melepone pe a feiloai mo le faatalaoaina o le mataupu lea i le aso 19 o le masina nei.

Ua faia mai lenei faamatalaga a le Council i se taimi o loo matuā gugulu ai tagata i le toe siitia foi o interest rates a faletupe i lenei vaiaso.

E toatele ua faailoa finagalo i luga o upega tafailagi ma o loo lagolago i le mataupu.

O le masina na tea nei na lagolago ai foi e le pulega lava lea a le aai o Yarra se finagalo faatu o le sui o le Green, Sophie Wade e faatatau i tulafono patino i nofoaga e faamautu ai tagata mo sina taimi puupuu, short term accommodation.