Ua faaali le lagolago a sui o le aulakapi Liki a Tonga i le faaiuga a le toatele o tamafanau Samoa sa taalo i kalapu malolosi i atunuu i fafo ina ia fai ma avefu’a o Samoa i le Ipu o le lalolagi i lenei tausaga.
I lipoti a le Loop Samoa ua faailoa ai le fiafia tele o le kapeneti a Tonga ia Jason Taumalolo ona o le loto atunuu o nei alo o Samoa. Na ia ta’ua foi e matuai ave lana faaaloalo i ona uso mai le Pasefika ona o nei faaiuga talafeagai.
O alo ia o Samoa na taaalo i le State of Origin e aofia ai Brian Too, Jerome Luai, Josh Papalii, Stephen Crichton ma nisi o i latou na taaalo i kalapu liki i Ausetalia.
E pei ona silafia o Tonga na mua’i faia le vaega lea o le toe foi o tama taaalo lakapi liki o lea atunuu e fai ma avefu’a o Tonga lea la ua fai ma faataitaiga lelei mo tama taaalo liki a Samoa.
Ua ave foi le lagolago a Jason i le taaloga muamua a le Toa Samoa ma le ‘au a Egelani lea o le a talamalae i le Ipu o le lalolagi o lenei tausaga i le lakapi liki. O lea taaloga o le a faia i le Aso Sa 16 o Oketopa i le 2:30 i le vaveao.
