O le tāua o le siitia o le tausia, ma le vaaia lelei o le saogalemu o meaola manuvaefa o se tasi o lagolago tāua i le tagata soifua ma lona tamaoaiga, ua opogi ai e Samoa mo le taimi muamua le aso faavaomalo e faapitoa i manuvaefa, le World Animal Day.

O se mau a le faalapotopotoga o taumafa a le lalolagi ua faamatala ai le tāua o lea aso, e faapea o meaola manuvaefa ua avea ma mea fafaga e ala i atina’e lafu manu o se vaega tāua i taumafa, peitai e tatau ona lelei ona tausi, ma vaai lelei foi lo latou saogalemu.

O le uluai faamanatu ai o lea aso faavaomalo i Samoa sa auai nisi o fanau o loo aoaoina i le lala o le Iunivesite a le Pasefika i Alafua le Samoa Campus, i latou o loo ave mataupu tau faatoaga ma lafumanu.

Ua faaalia i se pepa o faamatalaga, o le lelei vaaia o meaola manuvaefa o loo atina’eina i le itu tau lafumanu, o le saogalemu foi lea mo le soifua maloloina o le tagata soifua pe a faaaoga mo mea taumafa.