Ua malilie le Council a Aukilani e ala i lana palota sa faia ananafi e la te faatupeina toalua ma le malo le toe faaleleia o mea na faaleagaina e lologa ma le afā, e tusa lea ma le $2 piliona.
O le faaiuga lea o le palota ananafi ma o loo sau i totonu o lenei maliega le $774 miliona e toe faatau ai le tusa ma le 700 fale o aiga Aukilani ua le mafai nei ona toe nofoia.
O loo sau ai foi ma le $390 miliona e faaleleia ai auala ma le $820 miliona e faatupe ai poloketi auā puipuiga mai lologa e ono toe tutupu i le lumanai.
O tupe uma nei a tuufaatasi o le a faatupe ai e le malo le silia laititi ma le $1 piliona.
A o lei faia le fonotaga a le Council ananafi o lea na afea e se vaega o tagata na faaleagaina fale le fono a le Council ma faaleo atu iai finagalo i auala e ono fesoasoani ai i le Council i lenei taimi faigata, ae lē misi ai le faatalosaga e faavavevave ma ia aumai foi lana faamuamua i tagata ua lē o toe nonofo i o latou fale.
O ni finagalo faaalia o loo malamalama ma matuai lagolagoina e le Councillor Waitakere, Shane Henderson e lē o faigofie.
