E lagolago e le Palemia o Jacinda Ardern le silasila i nisi o avanoa e faatupulaia ai le aofai o tagata e agai atu i faigapalota faalotoifale i le tulai mai ai o popolega e faatatau i le auai o tagata i faigapalota.
O le One News ua o latou lipotia i le asō i lalo o le system o loo faaaoga nei, o local Councils poo pulega faalotoifale o loo feagai ma le faatautaiaina o faigapalota nei ae e na o le lesitala o loo feagai ma le Komisi o faigapalota.
I le faatalanoaga la a le televise ma le tamaitai Palemia ua ta’ua ai e Ardern ua ia lagona ua oo i le taimi mo le Local Government NZ e tagai ai i le tulaga lea atoa ma talanoaga e faatatau i le auala e mafai ai ona palota tagata i faigapalota ia faalotoifale.
Ina ua fesiligia i le mataupu e faatatau i le lagolago a le malo i le tuuina atu o le mataupu i le komisi o faigapalota na ta’ua e le Palemia o ia e faaeeete tele i mataupu faapea ma lona agai atu e faia ni faaiuga ae lei faamautinoa ua faatalanoa faatasi le mataupu.
