Ua amata faalauiloa nei anavatau a sui tauva mo le tofi peresetene o le atunuu o Kilipati e pei ona mana’omia ona faia i lalo o suiga fou i le tulafono ua iai nei mo lea atunuu.
O le tulafono o loo ta’ua ai e tatau i le tagata e manumalo i le tofi ona faataunuu ana folafolaga sa faia a o lei faia le palota.
O le peresetene o iai nei a lea atunuu o Taneti Maamau o ia lea e manatu le to’atele o le tagata aupito agavaa lea mo le tofi ae tele foi le lisi o ana folafolaga ua faalauiloa e aofia ai le faaitiitia o lafoga totogi, faaleleia o siomaga o le atunuu ma le faaleleia o le itu tau le soifua manuia o tagata.
Peitai ua faailoa i le lipoti o nei folafolaga uma e lē o lava lo latou auiliiliina.
O loo mana’o Maamau e faamalosia le faaaogāina o alaga’oa a le atunuu ma faamautinoa o loo iai se fesoasoani mo tagata o faaitu o Rabi ma Banaba ma ia faamanino lelei mataupu tau i le puleaina o fanua i isi faaitu e pei o Kiritimati ma Tarawa.
Puna o Faamatalaga: https://www.rnz.co.nz/international/pacific-news/530382/kiribati-presidential-candidates-release-manifestos
