O se vaalele la’itiiti sa fuafua e ave ai le uta o fesoasoani ma sapalai mo nai tagata na aafia i le ‘afa malosi i Jamaica, ua lipotia na lavea i se nofoaga lata i le faaitu o Coral Springs i Florida ina ua faato’ā amata ona lele ese.
Fai mai faamatalaga e le’i iai se tasi na maua i su’esu’ega a le ausu’esu’e i le vaega na lavea ai le vaalele ma e lē mailoa foi pe to’afia sa iai i luga o le vaalele.
Ua faailoa e le ausu’esu’e e leai ni fale o faaleagaina i le nofoaga na aafia ai le vaalele ae ua maitauina le tele o le otaota i lea vaega ma e lē o vaaia foi se vaalele e oo lava foi i le tama’i alia o loo foliga na aga’i iai le vaalele e lē o iai ni faamaoniga o nisi ua aafia na maua iai.
O loo faaauau i le taimi nei le su’esu’ega ae manatu nisi o le ausu’esu’e afai ae maua nisi e lē taumate ua aafia soifua.
Puna o Faamatalaga: https://www.9news.com.au/world/florida-plane-crash-usa-hurricane-melissa-jamaica/3a38b32e-d640-4214-bce6-67bd7de5fad5
