Ua faamālōlō e le Palemia o Isaraelu o Benjamin Netanyahu le minisita o le puipuiga a lona atunuu o Yoav Gallant, i le mae’a o masina na faia ai vesiga i nisi o mataupu tau polokiki a latou lava aemaise gaioiga a le atunuu i le taua o loo aofia ai.
Fai mai Netanyahu o le faatuatuaga i le va o ia ma le minisita ua faaleagaina.
Ua filifilia la le isi minisita fou ua iai nei o Israel Katz e avea ma minisita o le puipuiga.
I se tali ane a le minisita ua faamālōlō nei i le faai’uga ua faia ia te ia na ia faailoa ai o le saogalemu o Isaraelu o le a avea pea ma ana misiona i lona olaga.
Fai mai a ia o le faamālōlōina o ia ua mafua mai i mea e tolu, o le mataupu i le auaunaga tau militeli, o le lafoa’ia o i latou ua ave faapagota i Gaza, ma le mana’omia o le faia o se su’esu’ega aloa’ia i le osofa’iga a le Hamas ia Oketopa aso 7, 2023.
Fai mai le Palemia ua fiu e taumafai e faaleleia eseesega ma le minisita talu ai peitai e faaauau pea ona faateteleina.
Puna o Faamatalaga: https://edition.cnn.com/2024/11/05/middleeast/netanyahu-yoav-gallant-intl-latam/index.html
