A o faaauau ai fiafia ma le faamanatuina o le to’ilalo o Assad i Suria, ua lipotia mai le nofoia e Isaraelu o le Golan Heights poo le eleele pe ā ma le 60km i le itu i Saute i Sisifo o Damascus.
O le faamatalaga a Isaraelu o le faato’ilaloina o le faigamalo a Assad ua solia ai ma le maliega na iai i le eleele lea mai le 1974 peitai ua faailoa e Malo Aufaatasi ua solia e Isaraelu aiaiga o le maliega lea i lana gaioiga ua faia.
O le finagalo o le Palemia o Isaraelu, Benjamin Netanyahu o le Golan Heights sa nofoia e Isaraelu i le toeitiiti 60 tausaga ma e tumau pea ia Isaraelu e faavavau.
Ua lipotia foi le faia o le silia ma le 100 o osofa’iga i le ea a Isaraelu aga’i i Suria i le aso ananafi ua alia’e ai ma ni popolega i nisi nofoaga na faia iai osofa’iga e faapea o loo ono iai ni auupega e aofia ai ma vailaau chemical weapons i nofoaga sa osofa’ia.
Fai mai Isaraelu e pei ona lipotia e le BBC o loo gaioi e taofia le oo o ia auupega i lima o i latou ua faafoeina nei Suria.
Puna o Faamatalaga: https://www.bbc.com/news/live/cj90138ejrdt
