Ua lē falepuipui tagata faigaluega e toalua o tausitama poo childcare workers mai Kuiniselani i le mataupu na lavelavea ai i le tulafono faatatau i le tuuina o se tamaititi na o ia i luga o se pasi mo le silia ma le 5 itula ae o se aso vevela.
O Tara Alyce Steers 31 tausaga ma Bianca Maree Reynolds 32 tausaga na o la ioeina o la moliaga.
O le teineititi 3 tausaga na piki mai lona aiga i Gracemere i Rockhampton i le aso 4 o Me i le tausaga talu ai ma tuu ai na o ia i le pasi ina ua taunuu i le nofoaga o le childcare centre i le tea o le 9 i le taeao.
O se isi tagata faigaluega mai le nofoaga lea na ia faatoa iloa le teineititi poo le lata i le 3 i le aoauli.
O le faamatalaga a le faamasino sa ia faitioina ai tagata faigaluega e toalua e pei ona ta’ua mo le lē faia o ni siaki a o lei agai ese ma le pasi.
Fai mai le faamasino e leai ma se siaki na faia.
E lata i le tai tolu tausaga na tuuina mo i laua ia peitai ua toe faataatia ese ina ua ioeina moliaga i le mataupu.
