Iloilo le aveesea faamalosi mai o tamaiti Maori

Mau eseese finagalo faaalia I le valaauga o molimau I le mataupu o loo talosaga ai le tatau ona taofia o le aveesea faamalosi mai o tamariki poo tamaiti Maori aemaise o se faiga e foia ai le alualu I luga o le fuainumera o tamaiti Maori e aveese faamalosi mai e le malo

Se tasi o molimau na ia tuuaia e le faatauaina e le Oranga Tamariki le tu faa Maori, ma o sana ia molimau lea e fua I tausaga na galue ai o se social worker

O le isi, ua tuuaia le taotaomia o fuafuaga faataatitia e fesoasoani ai I fanau Maori ona o le malosiaga o le tulafono

Ae oo mai le aso ananafi folasia e le National Urban Maori Authority, e toatele sui a faipule Maori I totonu o le maota ae e le o tele se suiga o o latou faia e fesoasoani ai fanau Maori.

Ma ua aumai ai ma se talosga I le tatau ona tuuina atu e le malo le malosiaga I se pulega Maori tutoatasi na te vaaia tamaiti Maori nai lo le pulea e le Oranga Tamariki lea o loo I lalo o faamalumaluga a le Matagaluega o le Social Development I le taimi nei

O le aveesea faamalosi mai o fanau Maori aemaise lava I pepe faatoa fananau lalo o le taitasi masina le matutua, o se faaiuga o loo faataga mai e le tulafono ma ona tuaoi lea e faatoa mafai ai ona aapa I lea faatagana I mataupu ogaoga ma ua leai lava se isi gaioiga e mafai ona sulu iai le matagaluega

Peitai o le tele o molimau a matua ua aafia, leai o lea ua faasoloatoa e le matagaluega e ala lea I le faatuai o a latou fetuunaiga ma matua pe leai foi, ma o I lea e mau-avanoa ai le matagaluega e faatino ana fuafuaga ma le mautinoa o loo malu I lalo o le pule a le tulafono O le lua masina talu ai na faia ai se isi foi suesuega I le mataupu lava lenei ma faatoese ai le pule sili o le Oranga Tamariki, Grainnes Moss ma ia saunoa, o le a taumafai le matagaluega mo se isi suiga.

Keep uptodate with Radio Samoa activity & promotion

* indicates required