O le asō e tula’i ai i le faamasinoga le tagata e 24 tausaga le matua, ua molia i le faalavelave na maua ai se tinomaliu o se tamā i Sini i le faaitu o Glenorie i le aso 14 o le masina nei.
O lē ua maliu o John Birch e 39 tausaga le matua ae o lē ua molia o James French e 24 tausaga na pu’e e leoleo i le aoauli ananafi.
Fai mai le faamatalaga a leoleo o le alii lea sa camp i le Hills District lea na maua atu ai e leoleo o moe i totonu o se taavale i le nofoaga na maua iai le tino maliu o Birch.
O le faalavelave lea na lipotia atu i talafou i le vaiaso talu ai a o talitalia se faamaoniga poo ai tonu si tagata ua maliu.
E le’i taliaina e leoleo le tatala i tua o lẽ ua molia ma o le faamasinoga faalotoifale i Paramatta e tula’i ai i le asō a o faaauau pea le su’esu’ega a leoleo i le tulaga tonu na maliu ai si tamā ua aafia.
Puna o Faamatalaga: https://www.9news.com.au/national/glenorie-search-unfolds-for-man-connected-to-death-of-sydney-father/6a0099db-21e3-41d6-8354-9fbbb0e2b786
