Ua gau le Laybuy ma o lea ua vaaia e le Deloitte a Niu Sila na te pulea ana kamupani e tolu.
O se tala faanoanoa tele e tusa ma molimau a le faatonu Gary Rohloff e le gata mo ia ao le aufaigaluega.
O le Laybuy o se pisinisi o loo mafai ona faaaoga e ana paaga faatau ai, o le faiga e vave maua ai le oloa ae togitogi mulimuli i totonu o le 6 vaiaso, ma o taimi o le Koviti-19 lea na tele na faaaoga ai e tagata.
Peitai o le sau ai i luma o le Temu, suiga i tulafono faapea ai ma le telegese o le tamaoaiga, ua faigata ai i le Laybuy ona faaauau.
Faamautinoa mai ai e le Deloitte o lea ua tuu uma nei i le receivership le Laybuy Group Holdings Limited, Laybuy Holdings Limited ma le Laybuy Australia Pty Ltd.
E le o iai se aafiaga o le Laybuy I Peretania ona o le mea ua tupu i le Laybuy i lo tatou itulagi.
Ae e le i sau ai lea tala faanoanoa ananafi, o le Aso Faraile faatoa uma atu na logoina ai e le Laybuy faleoloa uma o loo faaaogaina lana auaunaga, ua taofia le tumau nei le faaaogaina o le Laybuy.
Puna o Faamatalaga: http://’Heartbroken’ – Laybuy companies placed into receivership (1news.co.nz)
