Ua gau le vaalele a le Vanuatu, ma ua faia ai le faaiuga a le malo e su’e se pulega tutoatasi na te pulea ma vaai aitalafu a lana kamupani vaalele le Air Vanuatu.

O faigamalaga uma faavaomalo a le Air Vanuatu na fuafua mo ananafi seia oo atu i faigamalaga o le Aso Sa a sau o lea ua faalēaogāina uma, a o isi uma faigamalaga i tua atu o le Aso Sa o lea ua toe iloilo nei.

O le kamupani a le Ernst & Young lea ua ia tauavea nei le Air Vanuatu ma o le aso foi ananafi lea na taunuu ai i Port Vila e amata iloiloga faatasi ma le malo o Vanuatu.

E lē gata e lē o faigofie ia Vanuatu le gau o lana vaalele ae sili ai ona faigata i pasese ua mae’a totogi pasese ae o lea ua leai ni faigamalaga.

Ua faatoese ai ma le kamupani vaalele i pasese aafia, ma le tala o loo galulue nei i se auala e fesoasoani ai i pasese ua uma ona totogi pasese.

Puna o Faamatalaga: https://www.rnz.co.nz/international/pacific-news/516417/vanuatu-govt-considers-placing-air-vanuatu-into-voluntary-administration