O le taavale sa iai i totonu le togiga a le aupii a le Kolisi o De La Salle, na gaoia i New Lynn ae lei amataina le taamilosaga sa aga’i atu le aoga e auai ai i le Aso Gafua.
Ta’ua e le leoleo asiasi o Kelly Farrant i le lipoti a le One News o le taavale lea na maua mulimuli ane ua tia’i i Clendon Park i le aoauli o le aso lava lea ae ua leai togiga sa iai i totonu, e 30 seti o le togiga ma boots a le aoga.
Faailoa e leoleo o loo galulue nei i le sailia o le tagata poo i latou sa faatinoina lea solituafono ma ua ta’ua foi e le faia’oga o le aupii o le faalua ai lea ona gaoia lana taavale ae sili atu lona popole i le togiga a le ‘au auā le taamilosaga o loo faagasolo.
Ua talosaga leoleo i soo se tasi e silafia se faamatalaga i lenei mataupu ina ia fesoasoani ane ma fesoota’i vave atu ia i latou.
Puna o Faamatalaga: https://www.1news.co.nz/2024/09/05/auckland-school-left-without-wrestling-uniforms-after-vehicle-theft/
