Ua feta’ua’ina le silasila o le totino ua faaigoaina o le Five Eyes i se fuafuaga faatekonolosi e malupuipuia ai o latou sui ma e tatau ona oo atu i le 2030 ua mautu lea tulaga.
O le gaoia o faamaumauga ma faamatalaga tāua mai atunuu ma o latou iunivesite e tagata mai isi atunuu ma o se popolega lea o i latou o loo faafoeina lea matafaioi.
O se fonotaga faaletausaga a le Five Eyes ma ona minisita i tulaga tau le puipuiga ma femalagaa’iga ua lotea ai lea mataupu i fonotaga sa faia i Uosigitone i Amerika ma ua faatulaga ai o le technology plan lea o le a aofia ai ma se fuafuaga mo le faamalosia o puipuiga i tuaoi ma le tetee atu i osofaiga e faia mai i luga o upega tafailagi.
Ua malilie ai ia atunuu e galulue faatasi i mataupu a autasi iai aua le puipuiga o o latou atunuu.
O le Five Eyes e aofia ai Amerika, Niu Sila, Ausetalia, Kanata ma le UK.
