Ua faamautu nei sootaga vavalalata o le a galulue faatasi ai le faalapotopotoga o fitafita i Samoa sa tautua i le militeli poo vaegaau, le Return Service Association poo le R.S.A. ma le asosi o fitafita sa tautua i le militeli a le Iunaite Setete i totonu o Amerika Samoa i soo se fuafuaga mo le faatāua pea o le latou tautua ina ua malolo litaea.
O le aso o fitafita sa auauna ma tautua i le militeli sa faamanatu i Amerika Samoa i le faaiuga o le vaiaso na tea nei, na auai atu iai le Peresetene o le asosi o fitafita ua toe foi mai le taua a Samoa le RSA, i se valaaulia mai lea asosi.
Faaalia e le Peresetene le afioga Tuala Tevaga Iosefo Ponifasio, o le taua o mafutaga vavalalata ma fitafita sa tautua i vaegaau a le Malo tele o Amerika e maua ai pea le mafutaga e fetufaaa’i ai i ni galuega e faasoa iai o latou tomai faafitafita.
Le Peresetene o le asosi o fitafita sa i le taua i Samoa le RSA, le afioga Tuala Tevaga Iosefo Ponifasio.
