Ua ta’ua le iai o se fuafuaga a le malo o loo tulai nei e tuufaatasia faalapotopotoga tau fanua a Samoa i lalo o se Matagaluega e tasi.
O lea tulaga na faailoa lea e le Tamaitai Palemia i lana tali fuaitau i nisi o fesili sa tuuina atu i le Palemene i le vaiaso nei.
O le taimi nei e tolu ni vaega o loo iai i lalo fanua o le atunuu, o le vaega o le MNRE lea o loo iai le Land Board, o le Esetete Tausi ma le Samoa Land Corporation.
Na faailoa e le Tamaitai Palemia o lea ua faataatitia faiga faavae e sailiili lelei ai le faiga atoa ai ma fuafuaga.
O lea tulaga na ia faailoa o loo tapena fuafua mo le talafaatatau autu o le tupe o le Tausaga Fou 2024-2025.
