Fai mai le Hawaiian Airlines o le a amata ona fua le mamafa o pasese e feoai i le va o Honolulu ma Pago Pago.

Fai mai le sooupu, o lenei suesuega e lē faamalosia, pe faia lava foi i le loto faitalia o le pasese o loo faia e tusa ma taiala a le Federal Aviation Administration i Amerika auā le faamautinoa o loo saogalemu pea tagata feoai i taimi o faigamalaga.

E ese mai le malaga agai i Amerika Samoa, o lea foi o loo faia suesuega nei i faigamalaga a le Hawaiian Airlines o loo feoai atu i Iapani ma Korea i Saute.

O suesuega lava foi nei na faia i le tausaga faatoa uma atu.

O le vaiaso talu ai o lea foi sa faailoa mai ai e le kamupani a le Ea Niu Sila o le a agai lava foi e fua le mamafa o pasese ona o le mafuaaga lava e tasi.