O le fonotele e taitai o Malo o le Taupulega a Peretania o le a usuia i Samoa o se atunuu muamua laititi o le Pasefika o le a talimalo ai, ua amata faagasolo ai nei tapenaga a se komiti ua filifilia e velo ‘aso i le faataotoina o se auivi o le fuafuaga o lea fono faavaomalo.

O le faatupeina e Samoa o lana taligamalo ua faailoa e le tamaitai Palemia le afioga Fiame Naomi Mataafa, ina ua fesiligia, e iai fesoasoani o le a maua mai ae e iai foi le sao o le tatou Malo e pei o le tapenaina o nofoaga e faamautu iai usugafono, le nofoaga e faia ai le faamoemoe, ma isi vaega e pei foi ona sa tapena i le taimi o le fono a Malo laiti o le lalolagi le SIDS sa usuia i Samoa i le tausaga e 2014, ua tusa ai nei ma le iva tausaga talu ai.

Le afioga i le Palemia, afioga Fiame Naomi Mataafa.