E foliga mai o le a tapunia mo le vaiaso atoa lenei le aoga maualuga I Papatoetoe

O le aoga maualuga I Papatoetoe na toe tapunia mai le Aso Lua ina ua toe faamaonia se tasi o tamaititi aoga, ma e le o mafai ona toe tatala seia vagana ua sau le kilia mai le soifua maloloina

Ae I se faatalanoaga ma le alii pule I luga o le leitio faavaomalo a Niu Sila, ua ia faaleo ai e ono le toe tatalaina le aoga mo lenei vaiaso, ona o loo faagasolo pea siaki I le taimi nei, ma o le aso o loo fuafua e faamama ai

I le toe faailoa mai ai o cases fou e tolu I le komiuniti I lenei vaiaso, o lea foi ua fautuaina I latou ua taua o casual-plus contacts o le Kmart I Botany e agai mo siaki I le aso, ma a maea e tatau ona toe faia isi siaki I le Aso Tofi o le vaiaso fou, aso 4 o Mati, ma e tatau ona faanofoesea mo le lua vaiaso

Taua mai o le toatele o tagata na tumutumu ai nofoaga na faia ai siaki o le Koviti ananafi e aofia ai ma le lala I Otara, o I latou nei na asia le faleoloa a le Kmart I Botany I le Aso Faraile ma le Aso Toonai o le vaiaso talu ai O le po anapo lea foi na toe sau ai le isi faaopoopoga o taimi na iai se tasi o case I lea lala a le Kmart, ma o loo maua uma I luga o le aupega tafailagi a le soifua maloloina nei faamatalaga