Ua folasia e le teutupe a le Leipa o Jim Chalmers lana uluai tala faatatau o le tupe ua faamatala e nisi o se fuafuaga ua talafeagai i lenei vaitau o le soifuaga.
Fai mai le teutupe o loo iai le atunuu i taimi faigata ma o loo taumafai i latou e toe faaleleia le tulaga tau tupe a le atunuu e ui e eseese finagalo faaalia o tagata.
O le toatele ua ta’ua ua talafeagai lenei faatatau i le tulaga o iai nei le tamaoaiga o le atunuu aemaise foi o atunuu i fafo.
O loo matele fesoasoani i le au matutua ma aiga e agavaa i penefiti ma faamanuiaga mai le malo ma e ui o loo fesiligia e nisi se fesoasoani i le tau o le eletise e pei ona iai folafolaga a o lei faia le palota peitai o le toatele o loo lagolago i le tala faatatau o le tupe.
Fai mai a latou, e lelei ona faifailemu mo lenei taimi ma taumafai e togitogi foi aitalafu a le atunuu a o lei me’i atu i isi fuafuaga tetele.
