Ua folafola e le Malo nisi suiga i le tali atu a leoleo i ni valaau e aofia ai mataupu tau le soifua mālōlōina o le mafaufau, mental health.
E amata atu ia Novema o le a faataunuu ai le iloiloga o mataupu faapea i emergency departments, leoleo ma le Health NZ.
O le a iai foi ma nisi o tulaga o le a siitia ai le auaunaga mo le tali atu a leoleo i mataupu faapea i nofoaga o mental health facilities aemaise foi o le fesoasoani i ni talosaga tau feoa’iga.
Saunoa le minisita o le soifua mālōlōina o le mafaufau, Matt Doocey, o tagata e aafia i gasegase o le mafaufau e lē o ni tagata solitulafono ma e tāua ma tatau ona tali atu iai i se tali talafeagai ma le tulaga o iai nai lo le tali atu iai i se tali o se tagata solitulafono.
Na ta’ua foi e le minisita o malu o le malo e tulaga ese le auaunaga o loo latou faatino ae e lei tolenia o ni tagata e iai tomai i auaunaga tau le soifua mālōlōina o le mafaufau.
Puna o Faamatalaga: https://www.nzherald.co.nz/nz/politics/changes-announced-to-the-way-police-respond-to-mental-health-callouts/54ZOBUFTFJH3RLJM2BSYNMYCCA/
