Ua folafola e le minisita o le va i fafo a Ausetalia o Penny Wong o le a faaopoopo le fesoasoani a le faigamalo i fesoasoani mo atinae i le Pasefika ma e oo atu lea faaopoopoga i le 900 miliona tala Ausetalia, o se faatusatusaga pe tusa ma le $565 miliona tala Amerika, mo le isi fa tausaga o sosoo mai.
O le folasaga lea sa faia e Wong i le Pacific Way Conference i Papeete i French Polynesia, na ia ta’ua ai o le loloto lea o le sao o Ausetalia o se paaga tau atinae i le Pasefika.
Na ia faailoa foi o le a faaopopo foi le latou fesosoani mo atinae fesoasoani i atunuu i fafo i le 1.4piliona i totonu o le isi fa tausaga o lumanai ma o le a aofia ai ma fesoasoani e agai i suiga o le tau ma malosiaga faafouina.
O le fuafuaga a le malo Ausetalia ina ia faateleina fesoasoani mo atunuu o le Pasefika ma inivesi atili i sootaga tau puipuiga ma na atunuu, e pei ona taumafai ai Amerika ma atunuu o loo latou auaufaatasi ina ia aveeseea aafiaga a Saina i luga o atunuu o le Pasefika.
