E silia i le 100 fautuaga ua taliaina e le faigamalo o iai nei a Ausetalia, mai le Royal Commission sa feagai ma le su’esu’ega i le pule i le soifua o nisi sa tautua ma auauna i taua ma ua folafola ai e le alii Palemia, Anthony Albanese ua faatino nei e lana faigamalo se tasi o tali aupito vave i le i’uga o le su’esu’ega sa faatino e le Royal Commission.

Fai mai le Palemia ua taliaina fautuaga e 104, mai fautuaga e 122 sa tuuina ane.

Sa saunoa Albanese e lē mafai ona toe maua mai i latou ua ma’umau soifua i taua peitai e mafai ona finau atu faasaga i aafiaga ua aafia ai nisi ma taumafai e faamuta lea tulaga.

Na ta’ua e le Palemia e tele le agaga faaaloalo o Ausetalia i soo se tagata sa o latou laeiina poo laeiina lava foi le togi a le atunuu ma o le a galulue e faaleleia le auaunaga ma faamautū lo latou saogalemu.

O se vaega la o ia taumafaiga ua ta’ua e le Palemia o le a filifilia ai se isi Komisi fou i le taimi nei ma amata loa a latou galuega.

Puna o Faamatalaga: https://www.9news.com.au/national/prime-minister-anthony-albanese-response-to-veteran-suicide-royal-commission/2632a0ea-9f49-4f63-b088-f4e2948c32b1