E silia ma le ‘afa piliona tala Niu Sila o le a agai sa’o i le vaega o le Puipuiga a le atunuu i le tala faatatau o le tupe i lenei tausaga ina ia faaleleia ai totogi mo le aufaigaluega aemaise o masini mo galuega.
O le folasaga lea ua faia e le minisita o le puipuiga, Judith Collins i le asō a o lumanai ai le tala faatatau o le tupe ma ua faailoa ai e $571 miliona ua faaagaga ane ma o le tele o lea vaega tupe o le a faaaogā i totonu o le fā tausaga, e ese mai ai le $19 miliona o le tupe faavae ua faatulaga mo tausaga faaletupe 2028-2031.
Saunoa le minisita o soo se poloketi tele a le auaunaga o loo ua faagasolo i le taimi nei o le a faaauau pea ma e fua i le ioega mai le Kapeneta o le a amata ai se isi poloketi e suia ai taavale e faaaogā e le auaunaga i ituaiga taavale fou ua iai tulaga tau fesootaiga e faaleleia atili ai le fesootaiga ma ana paaga faavaomalo e pei o Ausetalia, Kanata, UK faapea ma Amerika.
Puna o Faamatalaga: https://www.rnz.co.nz/news/political/516479/watch-live-judith-collins-announces-571-million-defence-spend-up
