Ua folafola e le Palemia o Ausetalia o le a faatupeina uma e le Faigamalo o iai nei a Ausetalia, a’oga uma faalauaitele uma poo public schools.
Fai mai a ia o le $2.8 piliona ua faaopoopo atu i le vaegatupe mo a’oga ia i Kuiniselani mo le isi 10 tausaga o le a fesoasoani ai i le tusa ma le 56 afe o tamaiti a’oga i ia a’oga ma ogatasi ai loa ma le faiga o loo iai nei i isi setete uma o Ausetalia.
Ua faia mai lea folasaga a le Palemia ae e lē o toe mamao folasia mai le tala faatatau o le tupe.
Ta’ua e Albanese o soo se tamaitiiti i Ausetalia o le a oo atu iai lenei fesoasoani e tusa lava poo fea le a’oga e a’oga ai ma o a’oa’oga e matala ai faitotoa i avanoa, ma o le asō ua faalautele ai e le malo lea faitoto’a.
Ua faaopoopo atu lea vaegatupe i le isi aofa’i pe $16.5 piliona e faaopoopo mai le Commonwealth e fesoasoani ai foi i public schools i Ausetalia mo le tausaga nei ma le tausaga fou 2026.
Fai mai Albanese o se inivesi lenei ua faia i tagata talavou o Ausetalia, o se gaioiga aogā tele.
Na faailoa ai foi e le Palemia i lana saunoaga i le asō, o le a faia le palota a le atunuu ia Me ae le’i faailoaina mai le aso.
Puna o Faamatalaga: https://www.9news.com.au/national/prime-minister-anthony-albanese-queensland-public-school-funding/6b548753-a56e-4f28-a348-6b8a9e6e1d02
