Ua folafola e le ta’ita’i o Korea i Matu o Kim Jong Un o le a sana faamalosia le polokalame faaniukilia a lona atunuu.
Ua faailoa i lipoti na faia se solo tele a le militeli na aofia ai ma Kim ma lona afafine ma pe ā ma le 14 afe fitafita a le atunuu na savavali ai i le laumua o Pyongyang.
I sana lauga na faia i le konekeresi a lona atunuu na faailoa ai e Kim o le a faalautele auaunaga faaniukilia a le atunuu ma o le a faaopoopo foi le aofa’i o a latou ‘au’upega ma isi mea e mana’omia auā lona faaaogāina.
E lē gata i lea ae ua faailoa foi e Kim o loo iai fuafuaga mo le faaleleia atili foi o vaamaulu, faaaogāina o drones faapea ma le atamai faaonaponei, le AI.
Puna o Faamatalaga: https://edition.cnn.com/2026/02/26/asia/north-korea-kim-parade-nuclear-intl-hnk
