Ua faila i le Faamasinoga Maualuga moliaga a le Commerce Commission faasaga i le Foodstuffs North Island ona o lo latou taofia o isi kamupani mai le faatūina o ni faleoloa.
Fai mai le Commerce Commission e pei ona lipotia e le RNZ o moliaga e faatatau i se feagaiga tau eleele na tuuina e le Foodstuffs mo le faamoemoe e taofia ai isi pisinisi mai le faatūina o ni supamaketi i ia nofoaga.
Fai mai sa galulue pati uma i lea mataupu mo le sailia o se tali ma o le a faamautu mai la e le Faamasinoga Maualuga nisi poloaiga e ono faia i le mataupu lea.
I sa latou faamatalaga tusitusia ua ta’ua ai e le Foodstuffs ua iai se maliega ua iai nei ma le Komisi e faatatau i le eleele e pei ona aofia i le mataupu.
Ua faailoa la e le Komisi i le lipoti lava lea o le a lē toe tuuina mai se isi faamatalaga mai ia latou ona ua i luma o le faamasinoga le mataupu.
Puna o Faamatalaga: https://www.rnz.co.nz/news/national/519951/commerce-commission-starts-high-court-case-against-foodstuffs
