O le asō lea ua faatinoina ai le foai a le malo o Iapani mo le Matagaluega o Leoleo auā a latou tapenaga mo le fonotaga ia Oketopa.
Na faailoa mai e le alii Komesina i le afiafi ananafi ina ua fesiligia lea foai ma ia ta’ua ai e tusa ma le 14 taavale e aofia ai ma se pasi, o se loli, o taavale o le ituaiga o le Land Cruiser e ono ma sipi troop carriers e ono.
E lei faamanino mai e le alii Komesina pe fia le tau aofai atoa o lea foai, ae o le tasi lenei o malo o loo ofo mai pea lana fesoasoani mo Samoa e tauala mai le Matagaluega o Leoleo faapea foi le Tineimu.
Ua faailoa o le foai muamua ae o loo iai le fuafuaga e toe iai nisi o foai a o tapena ai pea Samoa mo le tali atu i le fonotaga a ulu o malo o le taupulega i le tausaga nei.
